ఒక చిన్న విత్తనాన్ని నాటి, దానికి నీరు పోసి, సరిగ్గా సంరక్షిస్తే. కొంత కాలానికి అది పెద్ద చెట్టుగా మారి పళ్ళు, నీడ ఇస్తుంది. కాంపౌండింగ్ కూడా మన డబ్బుతో అదే పని చేస్తుంది. ఇది ఫైనాన్స్ ప్రపంచంలో అద్భుతమైన మంత్రం లాంటిది. Power of Compounding అలా ఉంటుంది మరి. చిన్న పొదుపులు కూడా కాలంతో భారీ సంపదగా మారతాయి. ఆల్బర్ట్ ఐన్‌స్టీన్ దీన్ని ఎనిమిదవ వింతగా అభివర్ణించారని చెబుతారు. అయితే చాలా మందికి ఇంకా ఇది నిజంగా ఎలా పనిచేస్తుందో అర్థం కావట్లేదు. చాలామంది డబ్బుని పొదుపు చేయాలని అనుకుంటారు. కొన్ని వందలు, వేలు పెట్టుబడి పెడతారు. కానీ కొద్దిరోజులకు అది పనికిరాదని వాళ్ళకే అనిపిస్తుంది. ఎందుకంటే ఫలితాలు వెంటనే రావు. మనం నాటిన విత్తనం కూడా వెంటనే చెట్టవుతుందా? కొన్ని సంవత్సరాలు పడుతుంది.
కాంపౌండింగ్ లో మాయ ఏంటి అంటే – మీరు తక్కువ మొత్తాన్ని రెగ్యులర్‌గా పెట్టుబడి పెడితే, సమయం గడిచే కొద్దీ అది వృద్ధి అవ్వడమే కాదు. మరింత ఎక్కువ వృద్ధి అవుతుంది. దీనినే Interest on Interest అంటారు. అంటే మీరు సంపాదించిన వడ్డీ మీద కూడా మళ్ళీ వడ్డీ వస్తుంది. Compounding is the 8th Wonder of the World అని అంటారు. ఈ ఆర్టికల్ లో మేము దీన్ని సరళమైన, సులభంగా అర్థమయ్యే భాషలో వివరించబోతున్నాం. మీరు ఈ వ్యాసం చదివిన తర్వాత, పెట్టుబడిలో గడిపిన కాలమే నిజమైన సంపదను సృష్టిస్తుంది అనే నిజాన్ని పూర్తిగా అర్థం చేసుకుంటారు.
Power Compounding:
1). What Is Compounding?
కాంపౌండింగ్ అంటే మీ అసలు పెట్టుబడిపై మాత్రమే కాకుండా, ఇప్పటికే వచ్చిన లాభాలపై కూడా లాభాలు పొందడం. ఈజీ గా చెప్పాలంటే కాంపౌండింగ్ = లాభంపై మరింత లాభం పొందడం. దీనిని చక్రవడ్డీ అని కూడా అంటారు. ప్రతి సంవత్సరం మీరు పొందిన లాభం తిరిగి పెట్టుబడిగా మారుతుంది, తద్వారా తరువాతి సంవత్సరంలో ఇంకా ఎక్కువ లాభం పొందుతారు. ఒక మంచినీటి బంతి, పర్వతం మీద తిరుగుతున్నట్టు ఊహించండి. మొదట చాలా చిన్నదిగా ఉంటుంది. తిరుగుతున్న కొద్దీ, మంచు ఇంకా ఎక్కువగా అంటుకుంటుంది. చివరికి చాలా పెద్దదిగా మారుతుంది. అలాగే కాంపౌండింగ్ లో మీరు ₹10,000 పెట్టుబడి చేస్తారు. ఒక సంవత్సరం తర్వాత 10% వడ్డీతో ₹11,000 అవుతుంది. తర్వాతి సంవత్సరం మీరు ₹11,000పై 10% లాభం పొందుతారు — ₹10,000పై కాదు. అంటే వడ్డీపై వడ్డీ అన్నమాట.
2). Simple vs Compound Interest Example
ఇక్కడ మనకు వడ్డీని రెండు రకాలుగా లెక్కిస్తారు. అందులో మొదటిది Simple Interest. దీనినే సరళ వడ్డీ, సాధారణ వడ్డీ, బారువడ్డీ అని రక రకాలుగా పిలుస్తారు. ఈ సాధారణ వడ్డీ అసలుపై మాత్రమే లెక్కిస్తారు. మీరు మాత్రం కన్ఫ్యూజ్ అవ్వకండి. ఇక రెండవది Compound Interest. దీనినే చక్రవడ్డీ అంటారు. దీంట్లో అసలుపై మరియు వడ్డీపై వడ్డీ లెక్కిస్తారు. అర్థం కాకపోతే క్రింద ఇచ్చిన ఉదాహరణలు చూడండి. మీయొక్క మొత్తం క్యాపిటల్ ₹10,000 అయితే, దానిపై వడ్డీ ప్రతి సంవత్సరం 10% లెక్కిద్దాం. 3 సంవత్సరాల తర్వాత సాధారణ వడ్డీ ₹13,000 అవుతుంది. కానీ చక్రవడ్డీ ₹13,310 అవుతుంది. ఎందుకంటే ప్రతి సంవత్సరం వచ్చే 10% వడ్డీపై కూడా వడ్డీ లెక్కిస్తారు కాబట్టి. చక్రవడ్డీతో మీరు అదనంగా ఎలాంటి అదనపు శ్రమ లేకుండా ₹310 సంపాదించారు.
3). Why Compounding Is Called a “Wealth Multiplier”
చక్రవడ్డీ అనేది మీ ఓర్పుకి రివార్డ్ ఇస్తుంది కానీ, మీయొక్క శ్రమకు కాదు. మీరు ఎక్కువగా పని చేయాల్సిన అవసరం లేదు. దానికి బదులుగా, చిన్నగా మొదలుపెట్టి ఎక్కువకాలం పెట్టుబడి చేస్తే పెద్ద ఫలితాలు వస్తాయి. ఉదాహరణకు A అనే ఇన్వెస్టర్ 25 ఏళ్ల వయసులో ప్రతి నెల ₹5,000 పొదుపు చేస్తూ 10 సంవత్సరాలు పెట్టుబడి చేస్తాడు. అలాగే B అనే ఇన్వెస్టర్ 35 ఏళ్ల వయసులో మొదలుపెట్టి 20 సంవత్సరాలు పెట్టుబడి చేస్తాడు. ఇక్కడ B ఎక్కువకాలం పెట్టుబడి చేసినా, Aకు ఎక్కువ డబ్బు ఉంటుంది. ఎందుకంటే A చాలా తొందరగా ఇన్వెస్ట్మెంట్ మొదలుపెట్టాడు కాబట్టి.
Time is more powerful than money in investing.
Start early, stay invested, and let compounding do the magic.
చక్రవడ్డీ అంటే మీరు మీ డబ్బును పెట్టుబడి పెట్టడం మాత్రమే కాదు. మీ సమయాన్ని కూడా పెట్టుబడి పెట్టడం. ఇది మీ శ్రమపై వచ్చే రివార్డ్ కాదు – మీ ఓర్పు, కాలం పై నమ్మకం, మరియు నిజమైన ఆర్ధిక తెలివితేటలపై పొందే రివార్డ్. కాంపౌండింగ్ ను ను ఎందుకు Wealth Multiplier అంటారు? మీరు దాచిన డబ్బు పై వడ్డీ సంపాదిస్తుంది. ఆ వడ్డీ కూడా మరిన్ని వడ్డీలు సంపాదిస్తుంది. ఈ చక్రం అలా తిరుగుతూ తిరుగుతూ ఒక పెద్ద రాశిగా మారుతుంది. ఎలా అంటే మీరు పనిచేయకపోయినా, మీ డబ్బు మీకు పని చేస్తుంది.
4). How the Magic of Compounding Works Over Time
ఈ క్రింది పట్టిక ద్వారా చక్రవడ్డీ పవర్ ఏంటో చూడండి.
- Years — Capital (₹) — 10% Annual Interest Rate
- 0 — ₹10,000 — ₹10,000
- 1 — ₹10,000 — ₹11,000
- 2 — ₹10,000 — ₹12,100
- 3 — ₹10,000 — ₹13,310
- 5 — ₹10,000 — ₹16,105
- 10 — ₹10,000 — ₹25,937
- 20 — ₹10,000 — ₹67,275
- 30 — ₹10,000 — ₹1,74,494
ఈ పట్టిక ద్వారా తెలుస్తున్నది ఏంటంటే, మొదటి కొన్ని సంవత్సరాల్లో చాలా నెమ్మదిగా వృద్ధి చెందుతుంది. 15-20 సంవత్సరాల తర్వాత వృద్ధి రేటు చాలా వేగంగా పెరుగుతుంది. ఇక్కడ మనం నేర్చుకోవాల్సింది ఏంటంటే, కాంపౌండింగ్ లో చివర్లోనే గొప్ప ఫలితాలు వస్తాయి. కాబట్టి ఎక్కువకాలం పెట్టుబడి పెట్టాలి.
5). The Formula for Compounding:
సాధారణ ఫార్ములా: CI = P(1 + r/100)n – P
ఇక్కడ P(Principal) అనేది = పెట్టుబడి చేసిన మొత్తం. r(Annual interest rate in decimal, ఉదా: 10% అంటే 0.10) అనేది = వడ్డీ రేటు (ప్రతి సంవత్సరం). అలాగే n(Number of times interest is compounded per year) అనేది = సంవత్సరాల సంఖ్య. ఉదాహరణకు మీరు ₹50,000 ను 12% వడ్డీతో 15 సంవత్సరాల పాటు పెట్టుబడి చేస్తే CI = ₹2,41,497 అవుతుంది. మీ ₹50,000 → ₹2.4 లక్షలుగా మారుతుంది. అంటే దాదాపు 5 రెట్లు పెరుగుతుంది అన్నమాట. ఉదాహరణకు మీరు ఎక్కువసార్లు వడ్డీ పొందితే (ఉదా: సంవత్సరం 4 సార్లు – n = 4), ఇంకాస్త ఎక్కువ సంపద వస్తుంది. ఎక్కువ కాలం పెట్టుబడి పెడితే – మీ డబ్బు మరింత వేగంగా పెరుగుతుంది. కాంపౌండింగ్‌లో ఈ ఫార్ములా ఒక మ్యాథ్ సూత్రం మాత్రమే కాదు, మన భవిష్యత్తును బలంగా తీర్చిదిద్దే సాధనం. ఈ సూత్రాన్ని అర్థం చేసుకోవడం అనేది = తెలివిగా పెట్టుబడి పెట్టడం.
6). Real-Life Examples of Power of Compounding
వారెన్ బఫెట్ ఉదాహరణ: నెట్ వర్త్ $100 బిలియన్లు పైగానే ఉంటుంది. 11 ఏళ్ల వయసులో ఇన్వెస్ట్మెంట్ స్టార్ట్ చేశారు. తన వయస్సు 50 సంవత్సరాల తర్వాత 90% సంపద వచ్చింది. టైమ్ తో కూడుకున్న కాంపౌండింగ్ ఇంట్రెస్ట్.
కాఫీ ఖర్చు vs పెట్టుబడి ఉదాహరణ: రోజూ కాఫీ ₹150 × 30 రోజులు = ₹4,500 నెలకి అవుతుంది. అదే ₹4,500 నెలకు 12% వడ్డీతో 30 సంవత్సరాలు పెట్టుబడి చేస్తే భవిష్యత్తులో దాదాపు ₹1.7 కోట్లు తన సొంతం అవుతాయి.
Small Savings + Long Term = Large Wealth
7). How to Maximize the Benefits of Compounding
చక్రవడ్డీని మంచిగా ఉపయోగించుకోవడానికి ముఖ్యమైన 6 చిట్కాలు తెలుసుకోండి.
- అతి చిన్న వయస్సులో ఇన్వెస్ట్మెంట్ మొదలుపెట్టండి. తక్కువ అమౌంట్ తో ప్రారంభించినా, కాలానుగుణంగా పెరుగుతూ వెళ్తుంది.
- రెగ్యులర్ గా ఇన్వెస్ట్ చేస్తూ వెళ్ళండి. దీనికి ఉదాహరణ ప్రతి నెల SIP చేయడం మంచి పద్ధతి.
- మీకు వచ్చిన లాభాలను తిరిగి ఇన్వెస్ట్ చేయండి. ఎప్పుడు పడితే అప్పుడు మధ్యలో డబ్బు తీసుకోకండి.
- కాలానికి అవకాశమివ్వండి. లాంగ్ టర్మ్ కోసం ఎక్కువ సంవత్సరాలు పెట్టుబడి కొనసాగించండి.
- శ్రద్ధగా వేచి ఉండండి. మార్కెట్ న్యూస్ చూస్తూ భయపడొద్దు.
- అదనపు పన్నులు నివారించండి. ELSS, PPF, NPS వంటి పన్ను మినహాయింపు సాధ్యమైన ఆప్షన్స్ ఉపయోగించండి.
8). Compounding Works Both Ways: Caution!
ఇన్వెస్ట్మెంట్ లో కాంపౌండింగ్ ఇంటరెస్ట్ మిమ్మల్ని ధనవంతుల్ని చేయగలదు. అలాగే అప్పుల్లో అయితే అది మిమ్మల్ని డబ్బుల బందీలుగా కూడా మార్చగలదు. ఉదాహరణకి ₹10,000 క్రెడిట్ కార్డు బకాయిలపై 36% వడ్డీ వేశారంటే, 5 సంవత్సరాల్లో అది ₹47,400 గా మారుతుంది. కాబట్టి చక్రవడ్డీ = సరైన దారిలో ఇన్వెస్ట్ చేస్తే సంపద, తప్పు దారిలో వెళ్తే అప్పులు మిగుల్తాయి.
Should I Invest in the Stock Market for Growth?
ఈ కంపౌండింగ్ పవర్ ని ఒక్క వాక్యంలో It’s not about how much money you invest, it’s about how long you stay invested అని అర్థం చేసుకోవచ్చు. అల్బర్ట్ ఐన్‌స్టీన్ కాంపౌండింగ్‌ను ఎనిమిదవ వింత అని ఎందుకు అన్నారో ఇప్పుడు అర్థమవుతుందా? పొదుపు చేయడమంటే ఒక్కసారికే ఆపేయడం కాదు. దానిని సరైన ప్రదేశంలో పెట్టుబడి పెట్టి, సమయాన్ని స్నేహితుడిగా చేసుకుంటే. మీరు ఆశించని స్థాయిలో ధనవంతులవుతారు. ఇప్పుడే మొదలుపెట్టండి. మీ విత్తనాన్ని నాటండి. కాలానికి అవకాశం ఇవ్వండి. చెట్టు తప్పకుండా మొలుస్తుంది. ఇప్పటివరకు చెప్పుకున్న Compound Interest Meaning in Telugu అర్థం అయ్యిందని అనుకుంటున్నాను.
FAQs
Q1: కంపౌండింగ్ లాభాన్ని పొందాలంటే ఎంత పెట్టుబడి చేయాలి?
A: కనీసం నెలకు ₹500 SIP కూడా చాలా కాలం తర్వాత పెద్ద సంపదగా మారుతుంది.
Q2: ఎలాంటి పెట్టుబడులు కంపౌండింగ్ కి ఉత్తమం?
A: మ్యూచువల్ ఫండ్స్, షేర్లు, PPF, EPF, NPS, ఫిక్స్డ్ డిపాజిట్స్ వంటివి బాగుంటాయి.
Q3: ఆలస్యంగా ప్రారంభిస్తే ఏం జరుగుతుంది?
A: ఆలస్యమైనా సరిగ్గా ప్రారంభించండి. ఆలస్యం అయినా, ప్రారంభించక పోవడం కన్నా మంచిదే.
Q4: కంపౌండింగ్ ఎప్పుడు జరుగుతుంది?
A: సాధారణంగా నెలవారీ, త్రైమాసికం, వార్షికంగా జరుగుతుంది. ఎక్కువ ఫ్రీక్వెన్సీ అయితే ఇంకా ఎక్కువ మెరుగైన ఫలితం పొందవచ్చు.
Q5: కంపౌండింగ్ అనేది సంపదను ఖచ్చితంగా పెంచుతుందా?
A: ఒకసారి ఇన్వెస్ట్ చేసి వదిలేస్తే పెద్దగా ఉపయోగం ఉండదు. నిరంతర పెట్టుబడి, కాలం, సరైన ఎంపికలు ఉండాలి.
చివరగా కంపౌండింగ్ శక్తి అనేది సాధారణ పెట్టుబడి సూత్రం కాదు. ఇది మీ భవిష్యత్తు నిర్మాణానికి ఒక మంచి మార్గం. దీనిని సద్వినియోగం చేసుకోవాలంటే, చిన్న మొత్తంతోనైనా ఇప్పుడే ప్రారంభించాలి. రెగ్యులర్ గా పెట్టుబడి పెడుతూ వెళ్ళాలి. లాంగ్ టర్మ్ గ్రోత్ కోసం వేచి ఉండాలి. ఒక మంచి మాట ఏంటంటే, ఇన్వెస్ట్ చేయడానికి అద్భుతమైన సమయం 20 సంవత్సరాల క్రితం. రెండవ అద్భుతమైన సమయం ఇప్పుడు. కాబట్టి ఆలస్యం చేయకండి. చిన్న ప్రారంభం కూడా పెద్ద ఫలితాలను ఇస్తుంది. ఈ రోజు నుంచే కంపౌండింగ్ మంత్రాన్ని మీ సంపద నిర్మాణంలో వినియోగించుకోండి.
Investments are subject to market risks. Please do your research before investing.
Join us on Telegram Group.
